Transcription
1
Monsegneur, jey receu la votre du 7e, avec celle
2
quil vous a pleu escripre à ma damoyselle de Sainct
3
Prie, que je luy ay faict tenir et commuicque la myenne veue
4
quelle est bien fort mallade dune fiebvre que la tient des neufz
5
ou dix jours et tous les jours puis midy jusques à deux heures
6
de nuict sans quelle desaumente que lon puisse cognoistre au logis
7
de la dame d’Aviolette qui est tumbée aussi mallade
8
puys deux jours. Je vous leysse à pencer comme elle peult
9
estre , elle ayant receu voz lettres, cella la fort rejouy de façon
10
quelle pretend que cella sera sa guerison, et vous remercie
11
bien humblement des biens quil vous a pleu luy offrir, et
12
mesmes de votre lougis quelle ne veult accepter, non pas pour
13
vous desplaire, daultant quelle dict que si elle y estoit cella
14
la rendroit plus mallade, se resouvenant de malitié, biens
15
et honneur quelle a tousjours et dès long temps receu de vous
16
et de feu madame. Je luy ay offert vostre dit lougis, meubles,
17
bledz, vin et argent, et si ay mandé à Laval querir des
18
polles et chappons pour luy faire tenir ; cependant, je luy ay bailhé
19
troys polles que je avois, ung de voz groz fromages que je avois
20
receu de voz montagnes avec quelque thomes de chèvre, du fruit
21
avec du charny. Si elle a faulte de boys et charbon, je dorrey
22
ordre quelle en aura. Sil vous pleysoit luy faire ce bien
23
non pas quelle men aye parlé, de escripre ung petit mot
24
à monsieur de La Tievollière, les consulz de Grenoble
25
et cappitaine des Suyses faire transumer de lougis les Suysses
26
que sont lougés en son lougis puis le decès de monsieur
27
lamirail jusques à tant quelle fut venuen envonvallessance,
28
vous luy feriés ung grand, daultant que jour et nuict, ilz
29
y meynent ung si grand bruict, mesmes quilz sont lougés
30
au dessus et tout au tourt de sa chambre, qui la garde de ce
31
reposer et a esté et est visitée journellement par les
32
principalles dames de ceste ville et mesmes par ma damoyselle
33
d’Annières, envers lesquelles elle se sente grandement
34
honnorée et redebvables. Sil vous plet, me ferés entendre
35
si avés receu une lettre de la chastelaine de Granne et si elles
36
demeurent bien, daultant que monsieur de Granieu ayant commodité
37
les vous faire tenir dimenche dernier, les mist dans ung scien
38
despeche quil vous faisoit par la poste. Quest tout ce que
39
je vous puis escripre, après avoir prié le Createur,
40
monsegneur, vous avoir et tenir en sa saincte garde et vous maintenir
41
en très bonne sancté et longue et heureuse vie. De Grenoble, ce
42
10 febvrier 1574.
43
Votre humble et obeyssant serviteur
44
Jehan de brunel